ಕೇಂದ್ರ ಬಿಂದು
ಬಿಂದು ಕೇಂದ್ರ ಬಿಂದು ಯಂದ್ಯಂದು
ಅಂದು ಇಂದು ಮುಂದು ಒಂದೆ ಬಿಂದು||
ವ್ಯಾಸವೆರಡು ಜೋಡು ಪರಸ್ಪರ ಕೂಡು
ವೃತ್ತ ನಡುವೆ ನೋಡು ಅಲಂಕೃತ ಬಿಂದು||
ಸ್ಪರ್ಶ ರಹಿತ ದೂರದಿ ಪರಿಧಿ ವಿಸ್ತರಧಿ
ಸ್ವಾಕರ್ಶ ಗುರುತ್ವಾಕರ್ಷ ತನ್ನೆಡೆ ಬಿಂದು||
ಬಿಂದು ರಹಿತ ಸ್ತಗಿತ ವೃತ್ತ ಅಸ್ತವ್ಯಸ್ತ
ಬಿಂದುವಿಂದ ಬಂದು ಅದರಲಿ ಪುನಃ ಸಂದು||
ಗೋಲ ಭೂಗೋಲ ವಿಶ್ವ ವಿಶಾಲ ಸಾಲ
ಅಕಾರ ಉಕಾರ ಮಕರ ಒಂಕಾರ ಬಿಂದು||
ಜೀವ ಮೂಲ ಆಧಾರ ದಾರ ಜೀವಾಧಾರ
ಅದರ ಇದರ ಸರ್ವರ ಸರ್ವಸ್ವರ ಬಂಧು||
ಬಂದ ಮೂಲ ಬಿಂದುವಿಂದ ಬೆಳದು ನಿಂದ
ವ್ಯೋಮಾಕಾರ ಸೂತ್ರ ಮಾತ್ರ ಅದೇ ಬಿಂದು||
ನಾದ ಬ್ರಹ್ಮ ಶಬ್ದ ನಾದ ನೀನಾದ ನಾನಾದ
ನಾ ನಾ ನಾದ ಸರಿಗಮ ನಾದ ಓಂಕಾರಬಿಂದು||
ಬಿಂದು ರೂಪ ಅನಂತ ಸ್ವರೂಪ ಪರಾಪರ ರೂಪ
ಅದು ಮನು ಸಿಂಧು ನೀ ಮನಸಾಗು ಅದರಲ್ ಯಂದು||
ಬಿಂದು ಕೇಂದ್ರ ಬಿಂದು ಯಂದ್ಯಂದು
ಅಂದು ಇಂದು ಮುಂದು ಒಂದೆ ಬಿಂದು||
ಡಾ| ಮಹಾದೇವ್ ಭಟ್, ಮಯಾಮಿ, ಫ್ಲೊರೀಡಾ
3/24/2016
